Eventyr kjem i mange formar - på fjelltur i lag med Gjendeguiden ventar

opplevingar frå aller øvste hylle.

Når gjestar spør kva dei kan nytte ein
ekstra dag i Jotunheimen til, gir svaret seg sjølv: Oppdagingsferd med Gjendeguiden - til fots, på sykkel eller toppturski.
— Marius Haugaløkken, hyttevert på Gjendesheim

Med storslåtte Gjende og Jotunheimen som tumleplass og masse lommekjent kompetanse i sekken, byr vi gjendeguidar på fjelleventyret og oss sjølve. Slik at du får turopplevingar å leve lenge på.

Gjendeguiden er stifta av friluftsinteresserte og lommekjente fjellfolk busett i fjellbygda Vågå i Jotunheimen. Vi byr deg på oppturar til fots, på stisykkel, ved bålet, med fiskestanga, på toppturski - og på yogamatta. 

Gler oss til å vise deg det beste av Jotunheimen!

Helsing Ørjan, Knut-Erik, Marius og Harald

Svartkanne_original-speilvendtxtralitenfil_Gjendeguiden.png
 
 

La Gjendeguiden lyfte fjellturen din til eit minne for livet. 

KURS

Stiller du med eventyrlyst og lærevilje, så bidreg Gjendeguiden med oppdatert kompetanse og erfaring frå eit langt friluftsliv i høgfjellet. Med Jotunheimen som framifrå og inspirerande klasserom gir Gjendeguiden kurs i bruk av GPS, kart og kompass, turplanlegging, stisykling, toppturar med randonnéeutstyr og anna kunnskap som gjer turen din over tregrensa trygg og nedturen ekstra artig. 

GUIDA TURAR

Gjendeguiden skreddersyr turar til fots, på sykkelsetet og toppturski etter ditt ynskje. I tillegg arrangerer vi gruppeturar du kan melde deg på: Kvar måndag og tysdag til langt ut på hausten inviterar Gjendeguiden til stisykkelturar i samarbeid med Gjendesheim turisthytte. På vinterstid spenner vi på oss skia kvar helg for å ta deg med på toppturar og kurs i Jotunheimen. Som det heiter i fjelleventyret: Vil du vere med så heng på!

 
 
Foto- Kristoffer Mæle Thuestad-4.jpg
 

Aktiviteter for barn

Ynskjer du eit skreddersydd turopplegg for heile barnefamilien? Kanskje nokre timar på eiga hand for å lufte deg i Jotunheimen? At ungane dine skal lære friluftsliv du sjølv ikkje har erfaring i? På heimebane har Gjendeguiden ein skokk turglade arvingar, og har difor både barnetekke og ei rekke engasjerande friluftsaktivitetar å by på. "Er du allereie attende, pappa..?"

Besseggenpatrulja

50.000 fjellturistar går kvar sommar og haust den tidvis krevjande turen over Besseggen. Slik blir det slitasje, søppel og leiteaksjonar av. Som ei prøveordning har reiselivsverksemder i Gjende-området i sommar hyra Gjendeguiden til å gå over Besseggen ein gong kvar veke. På turen rettleiar og informerar vi turistar, plukkar søppel og er sist ned frå fjellet slik at alle kjem seg vel heim att.